19. maí 2010 | Framsókn Seltjarnarnesi

Fjármál, rekstur og stjórnsýsla

Í fjármálum, rekstri og stjórnsýslu er helsta áhersla lögð á gegnsæ og lýðræðisleg vinnubrögð. B-listinn vill einnig að íbúar hafi aðkomu að stórum og umdeildum málum. B-listinn vill skerpa á gerð fjárhagsáætlunar og að útkoman verði raunsæl áætlun þvert á áætlanir fyrri ára. B-listinn vill að íbúar geti fengið óheftan aðgang að öllum upplýsingum um rekstur bæjarins. B-listinn vill ekki ógna sjálfstæði Seltjarnarness með nokkrum hætti og vill stuðla að áframhaldandi sjálfstæði þess.

Helstu áherslur B-lista eru:

• Fjármál, rekstur og stjórnsýsla verði gegnsæ og lýðræðisleg.
• Stór og umdeild mál er varða rekstur verði borin undir íbúa.
• Komið verði á fót bæjarráði sem fari með framkvæmda- og fjármálastjórn bæjarins.
• Fjárhagsáætlun verði raunsæ og markvissari og unnin með nefndum bæjarins og samráðshópum íbúa.
• Bærinn setji sér upplýsingastefnu til að tryggja aðgengi íbúa að öllum upplýsingum um starfsemi bæjarins.
• Fjármálastjórn verði markvissari og skattar verði ekki hækkaðir.
• Yfirbygging stjórnsýslunnar verði minnkuð og einfölduð og kostnaður taki mið af stærð bæjarfélagsins.
• Fjöldi nefnda verði endurskoðaður og skipulagi þeirra breytt til einföldunar.
• Seltjarnarnes verði áfram sjálfstætt bæjarfélag.